Хатдзæгтæ бахыгътой Дзæуджыхъæуы 27-æм скъолайы
«Цымыдисаг истори: Цæгатаг полюс, Арктикæ, капитанты легендарон æууæлтæ». Ахæм сæргондимæ проект йæ куыст фæци. Хатдзæгтæ бахыгътой Дзæуджыхъæуы 27-æм скъолайы. Фембæлдæн ацы бынат хуымæтæджы нæ равзæрстой. Скъола хæссы Кучиты Юрийы ном. Проекты тематикæ баст у легендарон капитан æмæ Уæрæсейы арктикон атомон флоты юбилеимæ. Аивадон номертæ, историимæ баст театрализацигонд фрагменттæ, биографитæ, мысинæгтæ, стæй бирæ æндæр æрмæджытæй ист фыстæджытæ. Ацы проекты программæ у уæрæх æмæ ахадгæ. Проект аразджытæ куыд зæгъынц, афтæмæй сæ сæйраг хæс у, ахæм хуызы республикæйы цæрджыты культурон-историон традицитæ бахъахъхъæнын. Фæлæ, ам сæйрагдæр у уый, æмæ дзы ирдæй æвдыст цæуы Уæрæсейы атомон ихсæттæн флоты историйы равзæрд. Уый та рæзгæ фæлтæры зондахастыл хорзырдæм ма фæзына, уый гæнæн нæй.
