Ацы хæрзиуæг снысан кодта Уæрæсейы мидхъуыддæгты министрады Цæгат Кавказы федералон зылды управленийы цур æхсæнадон совет
ПТРК «Алани»-йы кусджытæ хорзæхгонд æрцыдысты æмгуыстады тыххæй майдантæй. Ацы хæрзиуæг снысан кодта Уæрæсейы мидхъуыддæгты министрады Цæгат Кавказы федералон зылды управленийы цур æхсæнадон совет. Саккаг æй кодтой телерадио -компанийы директор Хъуысаты Тимурæн, радиохъусынады службæйы хицау Джыккайты Заремæйæн, информацион программæты сæрмагонд уацхæссæг Хетæгкаты Зæлинæйæн æмæ цацион хайады службæйы амонæг Гаглойты Светланæйæн. Æхсæнадон советы сæрдар Сихъоты Сослан куыд фæнысан кодта, афтæмæй ПТРК – «Алани» æххæст кæны бирæ азты традицитæ. Журналисттæн арфæ ракодта се нæзæрдæхудт куысты тыххæй, адæммæ афоныл хъæугæ информаци кæй хæццæ кæнынц, æмæ нациты хсæн ахастдзинæдтæ фидардæр кæныны хъуыддагмæ стыр æвæрæн кæй хæссынц, уый тыххæй.
