Рецепт æмæ дизайн хъуамæ ирдæй æвдисой Цæгат Ирыстоны удварны хæзнатæ
Дзæуджыхъæуы дарддæр курдиæттæ исынц, нæ горæты тъорты хуыздæр рецепты конкурсмæ. Кондитерон куыст суыдзæн республикæйы символтæй иу. Рецепт æмæ дизайн хъуамæ ирдæй æвдисой Цæгат Ирыстоны удварны хæзнатæ. Конкурс баст уыдзæн Дзæуджыхъæуы 240 азы бонимæ. Бæлвырддæр радзурдзæн Хъайтмазты Дзерассæ.
Уæлдзарм худы хуызы кæнæ та чысыл дизайнимæ тъорт? Республикæйы сæйраг сахары сурæт раргом кæнынæн хуыздæр цы уыдзæн? Ацы ахсджиаг фарста алыг кæнын хъæуы шеф-кондитер Хъаныхъуаты Эльвирæйы. Уымæй аразгæ у конкурсы уæлахиз. Сæрмагонд кондитерон адджинаг сцæттæ кæныныл кулинартæ куыстой къуыри. Рецепт цæттæ у, хъæуы ма равзарын дизайны кæронбæттæн хуыз. Эльвирæйы ныхæстæм гæсгæ, тъорт «Дзæуджыхъæу» уыдзæн горæтæн йæхи хуызæн. Кондитеры хъуыдымæ гæсгæ, хæхты астæу стыр, историон, романтикон æмæ уарзон горæт хъуамæ уа шоколадæй конд,
Тъорт – хуымæтæджы кондитерон адджинаг нæу. Йæ саразын у кулинарон аивады æнæхъæн философи. Хъаныхъуаты Эльвирæимæ конкурсы ерыс кæндзæн горæты æндæр кондитер. Сабайты Ланæ кондитерон продукци рагæй нæ цæттæ кæны, фæлæ йæ зæрды ис фæуæлахиз уæвын. Куыд зæгъы, афтæмæй конкурсы архайд у, фæлтæрддзинад райсыны хорз фадат. Бирæ фæлварæнты фæстæ йын йе мкусджытимæ бантыст сцæттæ кæнын хæрзад эксклюзивон тъорт.
Конкурс саразыны хъуыды æрцыд Дзæуджыхъæуы администрацийы сæргълæууæг Милдзыхты Вячеславмæ. Ныр горæтæн, бирæ æндæр регионты æмæ бæстæты дæнцæгмæ гæсгæ, уыдзæн хи тъорт. Профессионалтæн ацы хъуыддаг тынг цымыдисаг разынд. Финалы фæстæ тъорт «Дзæуджыхъæу»-ы рецептæй спайда кæнын уыдзæн алкæйы бон дæр.
Кондитерон куыст суыдзæн республикæйы символтæй иу. Рецепт æмæ дизайн хъуамæ ирдæй æвдисой Цæгат Ирыстоны удварны хæзнатæ. Конкурс баст уыдзæн Дзæуджыхъæуы 240 азы бонимæ. Уый кадæн уæлахиздзауæн лæвæрд æрцæудзæн æхцайы преми – 240 мин сомы. Конкурсы финал уыдзæн 15-æм февралы. Уæлахиздзауы равзардзысты горæты цæрджытæ. Жюрийы хыгъды уыдзæн 240 адæймаджы. Уæвгæ, конкурсы бацархайыны фадат ис алкæмæн дæр 1-æм февралы онг.
