30 января 2024, 12:05
Цæгат Ирыстоны та радон хатт арæзт æрцыди хæрзаудæн акци «Æрвыстæг салдатæн»
Бацæттæ йæ кодтой фонд «Быть добру»-йы минæвæрттæ
Цæгат Ирыстоны та радон хатт арæзт æрцыди хæрзаудæн акци «Æрвыстæг салдатæн». Бацæттæ йæ кодтой фонд «Быть добру»-йы минæвæрттæ. Æфсæддонтæн гуманитарон æххуыс æмбырд кодтой республикæйы цæрджытæ, æхсæнадон æмæ коммерцион организациты минæвæрттæ, ахуыргæнæндæттæ, Дзæуджыхъæуккаг æмæ Алайнаг Епархи. Хæстон цауты зонæмæ æрвитынц техникон фæрæзтæ, медикаменттæ, уæлæдарæс, хойраджы продукттæ, стæй æндæр хъæугæ дзаумæттæ. Хæрзаудæн фонд «Быть добру»-йы президент Хъуысаты Амырхан куыд загъта, афтæмæй сæрмагонд æфсæддон операцийы райдианæй нырмæ гуманитарон æххуыс арвыстой 20 хаттæй фылдæр.
темæмæ гæсгæ
