филиал вгтрк государственная телерадиовещательная компания “Алания”

Сыбыр æмæ Цæгат Кавказ систы хæстæгдæр. Дзæуджыхъæуы æмæ Тюмены администрацитæ бафыстой æмгуыстады тыххæй бадзырд. Тюменæй делегаци, сæ сæргъы горæты администрацийы разамонæг Руслан Кухарук, афтæмæй республикæмæ ссыд Милдзыхты Вячеславы хуындмæ гæсгæ. Бафыст документмæ гæсгæ æмархайд кæндзысты культурæйы, экономикæйы æмæ æндæр къабæзты. Ныридæгæн снысан кодтой Дзæуджыхъæуы бонтæ Тюмены скæнын. Уый фæрцы сыбираг горæты цæрджытæ æмæ уазджытæ базонгæ уыдзысты ирон историимæ æмæ традицитимæ. Администрациты разамонæджытæ кæрæдзийæн скодтой зæрдылдарæн лæвæрттæ.