Уымæ гæсгæ Уæрæсейы Хицауад сфидар кодта мадзæлтты пълан
2024-æм аз нæ бæстæйы снысан кодтой бинонты афæдзæй. Уымæ гæсгæ Уæрæсейы Хицауад сфидар кодта мадзæлтты пълан. Уымæ гæсгæ бинонтæн ахадгæ æххуыс цæудзæн сæ цæрыны уавæртæ фæхуыздæр кæныны тыххæй. Стыр æргом здахдзысты фидæны ныййарджытæм дæр. Уый ныртæккæ тынг ахсджиаг у. – зæгъынц специалисттæ. Уæвгæ стыр бинонтæ – стыр цин дæр у, фæлæ хатгай зындзинæдтæ дæр чысыл нæ вæййынц. Бирæсывæллонджын бинонтæ бабæрæг кодта не сфæлдыстадон къорд.
Бирæсывæллонджын ныййарджытæ уæвын зын у, фæлæ уыимæ цымыдисаг. Сæйрагдæр у кæрæдзи уарзын æмæ æмбарын. Ахæм хъуыдыйыл хæст сты Кареповтæ. Павел æмæ Юлияйы сæ сабибонтæй фæндыд стыр æмæ æнгом бинонтæ скæнын. Ныр сын ис 8 сывæллоны – се *ппæт дæр чызджытæ.
Хистæр чызг Виктория ахуыр кæны Санкт-Петербурджы уæлдæр ахуыргæнæндоны. Маргаритæ æмæ Стефания сты скъоладзаутæ, архайынц каратэйæ. Æвзонг чызджытæ сты алыхуызон турнирты призертæ, сæ хыгъды, æппæтуæрæсеон æмвæзадыл дæр. Иринæйы зæрдæмæ та фылдæр цæуы тхэквондо. Сывæллæттæ се *ппæт дæр активон сты. Хистæртæ æххуыс кæнынц кæстæртæм фæкæсынмæ, сабитæн кæддæриддæр сты ныфс. Маргаритæйы ныхæстæм гæсгæ, стыр бинонты цæрын тынг æхсызгон у.
Стыр бинонтæ дарын æнцон хъуыддаг нæу. Уæлдайдæр та кæстæртæй исчи рынчын куы вæййы, уæд. 6 сывæллоны мад Гуыриаты Индианæ куыд зæгъы, афтæмæй æххуырст фатеры фыццаг аз нæ цæрынц. Дзæуджыхъæумæ раивтой, чысыл Самирæйæн йе *нæниздзинад куы фæцудыдта, уæд. Чызджы хъæуы æнæ глютенæй диетæ. Сæрмагонд продукттæ æлхæнынæн та хъæуы уæлæмхасæн фæрæзтæ.
Гуыриаты Индианæйæн кусыны фадат нæй. Сывæллæттæм кæсын хъæуы, уæлдайдæр та Самирæмæ. Йæ цардæмбал Таймураз кæны дуæрттæ æмæ рудзгуытæ æвæрыны куыст. Фæлæ алы хатт куыст нæ вæййы. Индианæ куыд зæгъы, афтæмæй бинонтæ æййафынц финансон зындзинæдтæ.
Ацы аз президенты уынаффæмæ гæсгæ нысангонд у Бинонты азæй. Бæстæйы сæргълæууæг бахæс кодта, бирæсывæллонджын бинонтæн æххуысы мадзæлтты пъланыл бакусын æмæ йæ сфидар кæнын. Баст сты адæмы цард фæхуыздæр кæнынимæ
