филиал вгтрк государственная телерадиовещательная компания “Алания”

Æхсæрысæры скъолайы мемориалон фæйнæг байгом кодтой скъолайы рауагъдон Хадаты Нодарæн. Уый фæмарди сæрмагонд æфсæддон операцийы рæстæг. Хъæбатыры рухс номæн кад скæнынмæ æрбыцыдысты йæ хæстæджытæ, Æрæфы районы æмæ Æхсæрысæры администрацийы, ветеранты советы æмæ æппæтдунеон æхсæнадон змæлд «Иры Уæлдæр совет»-ы минæвæрттæ. Номарæн фæйнæг байгом кæныны хъæппæрис разынди Хъæуы сæргълæууæг Дзидзойты Тасолтанмæ. Хадаты Нодар хъæбатырæй фæмарди 2023-æм азы 28-æм январы, йæ амæлæты фæстæ хорæзгонд æрцыди лæгдзинады орденæй. Цыдис ыл 42 азы, баззади йын 3 фырты.