Фыццаджыдæр, сæмбæлд сæрмагонд æфсæддон операцийы архайджытимæ, æмæ, чи фæмард, уыцы хæстонты бинонтимæ.
Донецкы адæмон республикæйы Адæмон советы спикер æмæ Владимир Путины æвзæрстыты штабы æмсæрдар Артем Жога кусæг балцы уыд Цæгат Ирыстоны. Фыццаджыдæр, сæмбæлд сæрмагонд æфсæддон операцийы архайджытимæ, æмæ, чи фæмард, уыцы хæстонты бинонтимæ. Æрныхас кодтой социалон фиддонтæ исыны фарстатыл æмæ фонд «Фыдыбæстæ Хъахъхъæнджыты» регионалон хайады куыстыл. Артем Жога куыд загъта, афтæмæй фонды æххуыс хæстонтæн æмæ сæ бинонтæн у тынг ахсджиаг. Донецкы адæмон республикæйы Адæмон советы спикер аныхас кодта фæсивæдон организациты минæвæрттимæ дæр. Фембæлды сæйраг темæтæ уыдысты – рæзгæ фæлтæры ргом волонтерты змæлдмæ здахын, Ныгуылæн бæстæты ахадындзинад нырыккон цардыл, информацион хæст. Фæсивæдæн цымыдисаг уыд спикеры хæстон фæлтæрддзинад. Артем Жога ма Адæмон фронты минæвæрттимæ сæвæрдта дидинджытæ Намысы Мемориалы. Æрныхас кодтой бæстæйы президенты æвзæрстытыл.
