филиал вгтрк государственная телерадиовещательная компания “Алания”

Хæсты азты зарджыты конкурс арæзт æрцыд республикæйы æхсæнадон æххуысы штабы. Архайдтой дзы Цæгат Ирыстоны астæуккаг ахуыргæнæндæтты студенттæ. Сæ курдиатæн сын аргъ кодта жюри. Йæ хыгъды – ветеранты республикон советы сæрдар Фриаты Хъазыбег, Цæгат Ирыстоны культурæйы æмæ ахуырады сгуыхт кусæг  Мамыхъаты Людмилæ, стæй Гнесинты номыл уæрæсейаг академийы рауагъдон æмæ  адæмон сфæлдыстады республикон хæдзары специалист Хъæцмæзты Владимир. Мадзал бацæттæ кодтой Уæлахизы боны кадæн. Йæ саразджытæ куыд загътой, афтæмæй ма конкурс у иу фадат, советон адæмы стыр сгуыхтдзинад æрхъуыды кæнынæн æмæ йæ рæзгæ фæлтæрæн радзурынæн.