Ацы аз уыд дыккаг хатт, æмæ арæзт æрцыд виртуалон балцы хуызы
Уæлæмхасæн ахуырады центр «Заря»-йы ацыд адæмты хæлардзинады æрвылазон фестиваль. Ацы аз уыд дыккаг хатт, æмæ арæзт æрцыд виртуалон балцы хуызы. Фестивалы архайджытæ æмæ уазджытæ абалц кодтой дунейы 10 бæстæмæ: Великобритани, Сомих, Китай, Итали, Турк, Инди, Франци, Греци, Испани æмæ Япони. Фестивалы георгафи ивы алы аз дæр. Хъуамæ бæстæтæ ма фæлхат кæной. Уый у мадзалы сæйраг домæн. Сценæмæ рацыдысты «цивилизацийы институты» иумæйагахуырадон скъолайы ахуырдзаутæ. Равдыстой сфæлдыстадон номыртæ. Уыдоны фæрцы раргом кодтой алы адæмыхæттыты культурæ, традицитæ æмæ æгъдæуттæ. Сывæллæттæ бæстæтæ æвзæрстой сæхæдæг, сфæлдыстадон номыртæ цæттæ кæнын та сын æххуыс кодтой сæ къласы разамонджытæ. Фестивалы архайдтой 150 скъоладзауæй фылдæр, фыццæгæмæй – 11-æм къласы онг. Зæгъдзыстæм ма уый дæр, æмæ мадзалæн ис хъомыладон æмæ ахуырадон нысаниуæг дæр. Æпппæт архайджытæн радтой кады гæххæттытæ. Фидæны нысан кæнынц архайджыты нымæц фæфылдæр кæнын.
