филиал вгтрк государственная телерадиовещательная компания “Алания”

Национ музейæн лæвæрд æрцыдысты Цæгат Ирыстонæй Фыдыбæстæ хъахъхъæнджыты архивон документтæ. Ацы хъуыддаг æххæстгонд æрцыд патриотон экспедицимæ гæсгæ. Йæ маршрут у горæт-хъæбатыр Ленинград – æфсæддон намысы горæт Дзæуджыхъæу. Ацы 2 горæты иу кæны Фыдыбæстæйы Стыр хæсты иумæйаг хъæбатыр истори æмæ æнæмæлгæ намыс.  Мадзал сарæзта Санкт-Петербурджы хæсты, фæллойы, гæрзифтонг тыхты æмæ барадхъахъхъæнæн оргæнты ветеранты æхсæнадон организаци. Делегацийы хыгъдмæ бацыд 6 адæймаджы. Национ музейæн радтой 200 документы бæрц. Сæ хыгъды – Советон Цæдисы 79 хъæбатыры, ацы кадджын ном райсынмæ кæй балæвæрдтой, ахæм 49 æфсæддоны æмæ Намысы ордены 12 æххæст кавалеры архивон гæххæттытæ.