Сæйраг хæс у медицинон æххуысы хæрзхъæддзинад фæбæрзонддæр кæнын, æнæниздзинадхъахъхъæнынады ног, суинаг фæндтæ раиртасын, стæй Цæгат æмæ Хуссар Ирыстоны хуыздæр специалистты схорзæхджын кæнын
Сбæрæг сты, «Ирыстоны медицинæйы райрæзтмæ æвæрæны тыххæй» премийы финалисттæ. Сæйраг хæс у медицинон æххуысы хæрзхъæддзинад фæбæрзонддæр кæнын, æнæниздзинадхъахъхъæнынады ног, суинаг фæндтæ раиртасын, стæй Цæгат æмæ Хуссар Ирыстоны хуыздæр специалистты схорзæхджын кæнын. Конкурсы ис 3 номинацийы: «Фыццаг хатт конд операци», «Диагностикæйы æмæ дзæбæх кæныны ног методтæ фидар кæнын» æмæ «Наукон публикаци». 38 проектæй равзæрстой хуыздæртæ æмæ цымыдисагдæртæ. Финалистты сбæрæг кодтой сусæг хъæлæс кæныны хуызы. Преми райдыдта фарон 7-æм декабры. Хатдзæгтæ йын скæндзысты 14-æм июны. Алы номинацийы дæр уæлахиздзаутæ райсдзысты æхцайы фæрæзтæ – фæйнæ 250 мин сомы. Преми фыццаг хатт лæвæрд цæудзæн. Йæ саразджытæ йæ фæнд кæнынц æрвылазон скæнын.