филиал вгтрк государственная телерадиовещательная компания “Алания”

Фæндæгтыл æдасæй цæуыны паддзахадон автоинспекци регионы территорийы æххæст кæны профилактикон мадзал «Комкоммæ фæндаг». Инспектортæ бæрæг кæнынц фæндаггон змæлды фæтк чи не ххæст кæны, ахæм шофырты. Специалисттæ фæндæгтыл сæвæрдтой, чи нæ зыны, ахæм камерæтæ. Ахæм профилактикон мадзæлттæ æххуыс кæнынц закъонхалджыты ныхмæ тох кæнынæн. Æрæфы районы инспекортæ фæндаггон змæлды архайджытимæ ныхас кодтой æмæ сын æмбарын кодтой, адæймаджы æдасдзинад фыццаджыдæр йæхицæй аразгæ кæй у, уый. Байуæрстой сын фæндаггон æгъдæуттæ бæстонæй фыст кæм сты, ахæм зæрдылдарæнтæ. Статистикæмæ гæсгæ ацы закъонхæлд у æппæтæй парахатдæртæй иу.