филиал вгтрк государственная телерадиовещательная компания “Алания”

Бинонты, уарзондзинады æмæ иузæрдиондзинады Боны агъоммæ Фыдыбæстæ хъахъхъæнджыты фонды республикон хайады раарфæ кодтой сæрмагонд æфсæддон операцийы архайджыты æмæ ветеранты бинонтæн. Мадзалы архайдта фæллойы æмæ социалон рæзты министр Айдарты Алинæ. Хæстонты бинонтæн радта лæвæрттæ, æмæ загъта, куыд ахсджиаг у фыдыбæстæ хъахъхъæнджыты бинонтæн æххуыс кæнын. Уымæй дарддæр фонды филиал ацы аз æххæст кæны проект «Нæ бинонтæ – нæ уæлахиз». Уый дæр, кæй зæгъын æй хъæуы, сæрмагонд æфсæддон операцийы архайджыты бинонтæн. Проект æххæст кæнгæйæ, арæзт цæудзысты алыхуызон мадзæлттæ. Сæ иу – регионалон конкурс «Фыдыбæстæ Хъахъхъæнджыты бинонтæ». Райдайдзæн абон.