Йæ саразыныл бакуыста республикæйы бинонты бирæвæрсыг центр
Бинонты, уарзондзинады æмæ иузæрдиондзинады боны агъоммæ Дзæуджыхъæуы 1-æм поликлиникæйы арæзт æрцыд акци «Табуафси нæ бинонтæм». Йæ саразыныл бакуыста республикæйы бинонты бирæвæрсыг центр. Специалисттæ сывæллæттæн æмæ сæ ныййарджытæн балæвар кодтой, сæхи къухтæй кæй снывæфтыд кодтой, уыцы ромашкæтæ. Уарзы, нæ уарзы дидинæг кæй хонынц, уый у бинонты, уарзондзинады æмæ иузæрдиондзинады бæрæгбоны символ. Бинонты бирæвæрсыг центр канд нæ республикæйы нæу иунæг, фæлæ æнæхъæн Цæгат Кавказы федералон зылды дæр. Йæ дуæрттæ байгом кодта афæдзы рдæджы размæ. Бирæвæрсыг центр кусы «иу рудзынджы» фæткмæ гæсгæ. Бæстыхай дихгонд у цалдæр зонæйыл: рагагъоммæ æркаст, психологон æмæ юридикон консультацитæгæнæн хай, социалон æххуыс, стæй сывæллæттæн хъазæн фæзтæ, æмæ афтæ дарддæр. Центры кусынц 15 адæймаджы. Сты социалон куысты специалисттæ, юристтæ, психологтæ æмæ социалон педагогтæ.
