филиал вгтрк государственная телерадиовещательная компания “Алания”

Уæрæсейы сбæрæг кодтой бинонты, уарзондзинады æмæ иузæрдиондзинады бон. Бæрæгбоны кадæн къниаз Владимиры номыл  аргъуаны уыд сæрмагонд аргъуыд. Уый фæстæ,  мадзалы архайджытæ, бæлвырддæр та – сывæллонджын бинонтæ æмæ акци аразджытæ аргъуаны цурæй араст сты Дзæуджыхъæуы ценртмæ. Хетæгкаты Къостайы номыл фæлладуадзæн парчы арæзт æрцыдысты конкурстæ, концерттæ, дæсныйадæвдисæг ахуыртæ. Сæйрагдæр та – хорзæхджын кодтой бирæсывæллонджын бинонты. Бинонты æппæтуæрæсеон парад скæныны паддзахадон хъæппæрисы фарс рахæцыд чырыстон аргъуан дæр, уый Мæскуыйы æмæ æппæт Уырысы Патриарх Кириллы арфæйы фæстæ.