Хаст æрцыд, дунейы æппæтæй фылдæр кæдæм цæуынц, ахæм 10 бынаты хыгъдмæ
Æппæтадæмон равдыст-форум «Уæрæсе»-йæн йæ куыст фæци. Хаст æрцыд, дунейы æппæтæй фылдæр кæдæм цæуынц, ахæм 10 бынаты хыгъдмæ. Цалынмæ куыста, уæдмæ суазæг кодта 18 милуан адæймаджы. Уый та у Уæрæсейы алы 8-æм цæрæг. Форумы уазджытæ систы 120 фæсарæйнаг делегацийы. Се хсæн фæсивæды Æппæтдунеон фестивалы 2 мин архайæджы. Равдысты фенæн уыд нæ бæстæйы æппæт регионты экспозицитæ. Фæзты ацыдысты сæдæгай концерттæ æмæ алыхуызон мадзæлттæ, дæсгай флешмобтæ æмæ арт-фестивальтæ. Равдыст сæхгæныны бон ВДНХ-йы лæвæрд æрцыдысты хæрзиуджытæ регионтæн стæй дзыллон информацийы фæрæзты минæвæрттæн. Кадджын мадзалы архайдта нæ республикæйы делегаци дæр, йæ сæргъы Цæгат Ирыстоны æххæстбарджын минæвар Уæрæсейы президенты цур Игорь Барсков. Равдыст саразджытæн лæвæрд æрцыдысты, нæ республикæйы Сæргълæууæг Сергей Меняйлойы номæй арфæйы фыстæджытæ.
