Урсдоны, иу фæзуатыл фембæлдзысты Цæгат æмæ Хуссар Ирыстоны фæсивæдæй æндæр регионты чи ахуыр кæны, уыцы студенттæ
Дыууæсæдæ адæймагæй фылдæр архайдзысты студентты сæрдыгон æмбырд Æрыгоны. Уыдзæн 6-æмæй – 9-æм августы онг. Урсдоны, иу фæзуатыл фембæлдзысты Цæгат æмæ Хуссар Ирыстоны фæсивæдæй æндæр регионты чи ахуыр кæны, уыцы студенттæ. Мадзалы архайдзысты Владивосток, Сургут, Астрахань, Мæскуы, Санкт-Петербург, Краснодар æмæ Ростовæй уазджытæ. Студентты сæрдыгон фембæлдыл бæлвырд æрныхс кодтой, республикæйы Сæргълæууæджы æмæ Хицауады Администарцийы разамонæг Гобеты Ибрагимы разамындæй æмбырды. Æмбырды нысан у фæсивæдæн Цæгат Ирыстоны комулæфт равдисын, радзурын сын регионы тыххæй, стæй сæ кæрæдзимæ æнгомдæр базонгæ кæнын, цæмæй æмзæххонты бастдзинад фидардæр кæна, уый тыххæй. Архайджытæн бацæттæ кодтой лекцитæ, тренингтæ, дæсныйадæвдисæг ахуыртæ, командæйы куыстытæ æмæ афтæ дарддæр. Спикертæ уыдзысты Уæрæсейаг æхснæнад знание-йы генералон директоры хæдивæг Антон Сериков, паддзахадон думæйы депутат Сергей Бурлаков, журнал «Международная аналитика»-йы сæйраг редактор Сергей Маркедонов æмæ æндæртæ. Уымæй дарддæр фæсивæд фембæлдзысты Цæгат Ирыстоны Сæргълæууæг Сергей Меняйлоимæ, стæй сæрмагонд æфсæддон операцийы архайджытимæ, – загъта Гобеты Ибрагим.
