Уæрæсейы Федерацийы Президенты Указмæ гæсгæ, лæгдзинад, хъæбатырдзинад æмæ ныфс кæй равдыстой тохы быдыры, уый тыххæй сын саккаг кодтой Лæгдзинады ордентæ, сæ амæлæты фæстæ
Цæгат Ирыстоны Сæргълæууæг Сергей Меняйло паддзахадон хæрзиуджытæ радта, сæрмагонд æфсæддон операцийы йæ хæстæ æххæст кæнгæйæ чи фæмард, уыцы хæстонты бинонтæн. Уæрæсейы Федерацийы Президенты Указмæ гæсгæ, лæгдзинад, хъæбатырдзинад æмæ ныфс кæй равдыстой тохы быдыры, уый тыххæй сын саккаг кодтой Лæгдзинады ордентæ, сæ амæлæты фæстæ. Цæгат Ирыстоны разамонæг хъæбатырты хæстæджытæн ракодта тæфæрфæс, æмæ сын загъта, нæ республикæ сæ сæрбæрзонд кæй у, уый. Уымæй дарддæр ма хæстонты бинонтæн цæудзæн æнæрлæугæ алывæрсыг æххуыс. Паддзахадон хæрзиуджытæ дæттыны мадзалы ма архайдтой республикæйы фæллойы æмæ социалон рæзты министр Айдарты Алинæ, æфсæддон комиссар Владимир Скоморох, сæрмагонд æфсæддон операцийы архайджытæн æххуысы паддзахадон Фонд «Фыдыбæстæ хъахъхъæнджыты» республикон филиалы директор Хетæгкаты Маринæ.
