Мадзалы фæлгæты æрбацæуджытæ базонгæ сты поэты дыууæ ног чиныгимæ – «Начало» æмæ «На руинах»
Национ наукон библиотекæйы уыд Юрий Розенштейны сфæлдыстадон изæр. Мадзалы фæлгæты æрбацæуджытæ базонгæ сты поэты дыууæ ног чиныгимæ – «Начало» æмæ «На руинах». Дыккаг чиныг фыст æрцыд йæ бинойнаг Флория Розенштейны номыл. Уый схонæн ис авторы бирæ уацмысты музæ. Юрийы сфæлдыстады ирдæй бæрæг дары хæлардзинад æмæ уарзондзинад. Зындгонд дзæуджыхъæуккаг дохтыр-кардиолог æрмæст медицинæйы фæрцы нæ дзæбæх кæны адæмы. Йæ поэзи, философон лирикæ æмæ поэмæтæ фæндаг ссардтой бирæты зæрдæтæм. Йæ бæллиц уыд историк, археолог, журналист суæвын, фæлæ сси хорз дохтыр. Уæлдæр ахуыргæнæндон ккст фæуыны фæстæ 25 азы бæрц фæкуыста Томскы тагъд æххуысы станцæйы. Уыцы мгъуыдмæ мыхуыры рауагъта 18 наукон куысты. Æмдзæвгæтæ фыссы рагæй, фæлæ сфæлдыстадон куыст кæнын райдыдта 3 азы размæ. Ныридæгæн у цалдæр поэтикон æмбырдгонды автор. Се хсæн «Алайнаг цикл» æмæ «Нартиадæ». Уыдон рухс федтой ирон Нартиадæйы азы.
