Архайдтой дзы æххæстгæнæн хицаудзинады оргæнты разамонджытæ, барадхъахъхъæнæн æмæ цæстдарæн структурæты минæвæрттæ, районты къамисты уæнгтæ
Хицауады Сæрдары хæдивæг Платы Альбинæйы разамындæй арæзт æрцыд ведомствоты хсæн æнахъом сывæллæтты хъуыддæгты республикон къамисы æмбырд. Архайдтой дзы æххæстгæнæн хицаудзинады оргæнты разамонджытæ, барадхъахъхъæнæн æмæ цæстдарæн структурæты минæвæрттæ, районты къамисты уæнгтæ. Ныхас цыд æнахъом сывæллæттимæ баст барадхæлдтыты ныхмæ профилактикон мадзæлттыл. Стыр æргом аздæхтой фæсивæды социализацийы Центры архайдмæ. Фæсивæды хъуыддæгты комитеты сæрдар Джусойты Руслан куыд радзырдта, афтæмæй Центр æппынæдзухдæр кусы, хыгъды чи лæууы, ахæм æнахъом сывæллæттимæ. Профилактикон мадзæлтты хсæн вæййынц æргом ныхас, юридикон æмæ психологон æххуыс. Уымæн æмæ сты социалон æгъдауæй тæссаг уавæры. Къамисы уæнгтæ куыд загътой, афтæмæй хъæуы активондæрæй кусын, 18 азы кæуыл нæма сæххæст, ахæм лæппутимæ æмæ чызджытимæ. Се ргом сын пайдайаг фæллоймæ здахын. Кæронбæттæны бафстой протокол, æмæ дзы снысан кодтой хæстæгдæр куысты фæтк.
