Бабæрæг кæнынц Хетæгкаты Къостайы æмæ Евгений Вахтанговы, купецтæ Поповты æмæ булкъон Санаты Идрисы, архитектор Павел Шмидты хæдзæрттæ æмæ купец Улановы æфтиагджын хæдзар
Фонд «Фыдыбæстæ хъахъхъæнджыты» филиал Цæгат Ирыстоны гидтимæ æмæ экскурсоводтимæ иумæ аразы экскурситæ сæрмагонд æфсæддон операцийы архайджыты бинонтæн. Бабæрæг кæнынц Хетæгкаты Къостайы æмæ Евгений Вахтанговы, купецтæ Поповты æмæ булкъон Санаты Идрисы, архитектор Павел Шмидты хæдзæрттæ æмæ купец Улановы æфтиагджын хæдзар. Культурон намысы объекттæ маршрутмæ хуымæтæджы нæ бахастой. Бæстыхæйттæ сты Дзæуджыхъæуы тæккæ астæу, раздæры хицæутты цард абон дæр цымыдисаг у адæмæн. Бæлвырддæр радзурдзæн Хъайтмазты Дзерассæ.
Уарзондзинады ахæм рæсугъд æмæ диссаг историтæ Дзæуджыхъæуы чысыл нæй, фæлæ сæ бирæтæ нæ зонынц. Горæты алы уынг дæр хъахъхъæны йæхи цымыдисаг цаутæ ивгъуыдæй. Иуæй-иу сусæгдзинæдтæ раргом кæныны тыххæй арæзт æрцыд сæрмагонд экскурсион маршрут. Сæ бон ыл лæвар ацæуын у, сæрмагонд æфсæддон операцийы архайджыты бинонтæн. Джиоты Иосифы фыд контрактмæ гæсгæ службæ кодта 58-æм æфсады. Абон республикæйы ис, сæхимæ. Демобилизацигонд æрцыд йе *нæниздзинады уавæрмæ гæсгæ.
Проект «Уарзондзинады историтæ» скодтой фарон. Йæ саразыны хъæппæрис разынд Цæгат Ирыстоны экскурсоводты æмæ гидты-тæлмацгæнджыты ассоциацийы уæнг Сабанты Русланмæ. Уый бахаста, «Фыдыбæстæ хъахъхъанджыты» фондмæ чи хауы, уыдонæн хæрзаудæн экскурси скæныны фæндон. 2 организацийы бафыстой бадзырд.
Экскурси «Уарзондзинады историты» маршрутыл куыстой 6 мæйы дæргъы. Хаст æм æрцыдысты Хетæгкаты Къостайы æмæ Евгений Вахтанговы, купецтæ Поповты æмæ булкъон Санаты Идрисы, архитектор Павел Шмидты хæдзæрттæ æмæ купец Улановы æфтиагджын хæдзар. Се ппæт бæстыхæйттæ дæр сты Дзæуджыхъæуы тæккæ астæу. Сæ раздæры хицæутты уарзондзинады историтæ та абон дæр адæмæн цымыдисаг сты.
Экскурси аразынц проект «Нæ бинонтæ – нæ Уæлахиз» æххæстгæнгæйæ. Йæ нысан у сæрмагонд æфсæддон операцийы архайджыты æмæ сæ бинонты культурон-ирхæфсæн мадзæлттæм æмхиц кæнын. Дзæуджыхъæуы историон объекттæ ныридæгæн бабæрæг кодтой «Фыдыбæстæ хъахъхъæнджыты» фонды бæрны чи ис, ахæм 60 адæймаджы онг.
Экскурси «Уарзондзинады историтæ» се ппæты зæрдæмæ дæр цæуы. Гæнæн ис, æмæ маршрут суыдзæн, «Фыдыбæстæ хъахъхъæнджыты» фонды парахатдæр мадзæлттæй иу.
