Уый тыххæй радзырдтой Паддзахадон автоинспекцийы управленийы пресс-конференцийы
Социалон кампани «ПРОдвижение БЕЗопасности» абонæй фæстæмæ æххæстгонд цæудзæн Цæгат Ирыстоны. Уый тыххæй радзырдтой Паддзахадон автоинспекцийы управленийы пресс-конференцийы. Архайдтой дзы автоинспекцийы кусджытæ, горæты администрацийы минæвæрттæ, автомобилистты æхсæнады регионалон змæлды сæрдар æмæ психолог. Фæндæгты æдасдзинад æмæ фыдбылызты нымæц фæкъаддæр кæнын – уый у абоны сæйрагдæр нысантæй иу. Фæндаггон фыдбылызтæ арæхдæр æрцæуынц – машинæтæ æгæр тагъд кæй фескъæрынц, уый аххосæй. 2023-æм азы Ирыстоны уый фæдыл æфхæрд баййæфтой 615 мин автомобилисты. 2022-æм азы та сæ нымæц уыд 300. Федеральная кампани «ПРОдвижение БЕЗопасности» арæзт æрцыд национ проект «Æдас æмæ хæрзхъæд фæндæгтæ» æххæст кæнгæйæ. Йæ сæйраг нысан у шофырты фæтк æххæст кæнын. Дзæуджыхъæу хаст æрцыд нæ бæстæйы 40 регионы хыгъдмæ. Уыдоны консультанттæ автомобилисттæн дзурдзысты раст цæуыны æгъдæутты тыххæй. Социалон акци цæудзæн мæйы кæронмæ, нæ горæты артаджы 8 станцæйы.
