Студентон экспедицион корпус арæзт æрцыд уый тыххæй, цæмæй се вæрæн хæссой Уæрæсейы национ хæзнатæ хъахъхъæнынмæ. Уымæй дарддæр хъуамæ кæной наукон-иртасæн куыст, æфснайой территоритæ, æмæ зонгæ кæной национ культурæимæ.
Цалдæр боны фæсивæд фесты Урсдоны. Уым архайдтой фыццаг сæрдыгон студентон слет «Æрыгон»-ы Уый фæстæ абалц кодтой Уæлладжыры коммæ. «Фæдзæхст Ирыстон-Аланийы» наукон кусджытæ студенттæн скодтой экскурси интерактивон мультимедион визит-центрмæ. Радзырдтой сын республикæйы æрдзы тыххæй.
Командæ «Арктикæ»-йы архайджытæн цымыдисаг лекци бакасти «Фæдзæхст Ирыстон-Аланийы» наукон кусæг Павел Вейнберг. Фæсивæдæн радзырдта Ирыстоны æрдзы тыххæй. Алыхуызон цæрæгойты къамтæ сын уыдысты тынг цымыдисаг. Ахуыргонд лæппутæн æмæ чызджытæн экскурси сарæзта интерактивон мультимедион визит-центрмæ.
Студентон экспедицион корпус «Команда Арктики» фæзынд Уæрæсейы технологон университеты уæлдæр ахуыргæнæндæтты хсæн проекты фæрцы. Хаст æм æрцыдысты, сæхи хорз чи равдыста, ахæм студенттæ. Фæсивæдæн уый у хорз гæнæн, алы культурæтимæ, традицитимæ, адæмимæ базонгæ уæвынæн, стæй регионы хицæндзинæдтæ базонынæн. Афтæ Арктикæйы комнадæйы дæс бархионы ссыдысты Ирыстонмæ.
Алагиры районмæ экскурсийы рæстæг бархионтæн радзырдтой нæ республикæйы историйы æмæ традициты тыххæй. Афтæ лæппутæ федтой Лæгты Дзуары кувæндон, сæвæрдтой дзы мысайнæгтæ. Дарддæр абалц кодтой хæхтæм. Фæлæ хуымæтæг балц нæ уыд. Æфснайдтой бырæттæ, базылдысты фæдзæхст бынаты экологон къахвæндæгтæм. Уый у студентты корпусы сæйрагдæр хæс.
Студентон экспедицион корпус арæзт æрцыд уый тыххæй, цæмæй се вæрæн хæссой Уæрæсейы национ хæзнатæ хъахъхъæнынмæ. Уымæй дарддæр хъуамæ кæной наукон-иртасæн куыст, æфснайой территоритæ, æмæ зонгæ кæной национ культурæимæ.
