23 августа 2024, 11:06
Абон у Уæрæсейы æфсæддон намысы бон
1943-æм азы, ацы бон, советон æфсæдтæ ныппырх кодтой немыцаг-фашистон æфсæдтæ. Курскы къæлæты цы тох æрцыд, уый аивта канд Фыдыбæстæйы стыр хæсты нæ, фæлæ ма дыккаг дунеон хæсты цыд дæр. 1943-æм азы сæрды стратегион хъæппæрис йæхимæ райста советон æфсад. Уыцы бонæй фæстæмæ немыц райдытой фæстæмæ цæуын. Курскы къæлæт сси æфсымæрон адæмыхæттыты иумæйаг уæлахиз. Æрмæст нæ республикæйæ Курск суæгъд кæныны тохы архайдтой æртæ мин адæймагæй фылдæр. Бирæтæн дзы саккаг кодтой æфсæддон хæрзиуджытæ. Семæ — артиллерист Тогызты Хъауырбег. Курскы къæлæты сгуыхтдзинæдтæ æмæ лæгдзинад кæй равдыста, уый тыххæй йын радтой Советон Цæдисы хъæбатыры ном.
темæмæ гæсгæ
