Адæмон фронты фæсивæдон къорд уым кусдзæн гуманитарон скълады. Къоппыты æмбырд кæндзысты продукттæ, медикаменттæ æмæ æндæр хъæугæ фæрæзтæ. Сæ куысты фыццаг бонтæй фæстæмæ, регионты Адæмон фронты бæрны районтæй волонтертæ раластой æртæ сæдæ адæймагæй фылдæры, сæмбырд кодтой æмæ арвыстой 50 мин гуманитарон дзæкъулы, стæй æфсæддонтæн 2 мины 2 сæдæ гуманитарон уæзæй фылдæр. Ныртæккæ сæм æххуысмæ цæуынц нæ регионы минæвæрттæ дæр.
Фæсивæд рагагъоммæ ацыдысты федералон тактикон-стратегион форум «Рубеж», уым активистты ахуыр кодтой æфсæддон хъуыддаджы æмæ тактикон медицинæй бындуртыл. Июлы Адæмон фронты фæсивæдон къорд Луганскы Адæмон Республикæмæ аласта 20 тонны нуазыны дон æмæ 5 сæдæ чъирийы республикæйы сæргълæууæджы номæй. Не мзæххонтæ Курскы облæсты уыдзысты дыууæ къуырийы. Къорды сæргъы – Адæмон фронты фæсивæдон къорды регионалон координатор Акъоты Батрадз.
Федералон акци «Мах стæм иумæ» æххæст кæнгæйæ, Курскы облæстмæ гуманитарон уаргъ ласынц хæрзаудæн фонд «Быть добру»-йы минæвæрттæ дæр. Гуманитарон æххуыс хъыгдардбаййафæг районмæ бахæццæ знон. Хойраджы продукттæ, медикаменттæ, уæлæдарæс сывæллæттæн æмæ хистæр кары адæмæн, гигиенæйы фæрæзтæ. Уымæй дарддæр – инвалидтæн реабилитацийы техникон фæрæзтæ, хуыссæнгæрзтæ, стæй æфсæддонтæн маскировкæгæнæн хызтæ. Зæгъдзыстæм ма уый дæр, æмæ гуманитарон æххуыс сæмбырд кæнын бантыст Дзæуджыхъæуы рæвдауæндæтты æмæ скъолаты, Дзæуджыхъæуккаг æмæ Алайнаг епархийы, стæй коммерцион компаниты æххуысæй.
