Уыцы изæр дзы фембæлд уыди кинойы автор æмæ режиссер Цæлыккаты Вадимимæ дæр
Кинойы хæдзары æвдыст æрцыди документалон киноныв «Беслан. Память». Уыцы изæр дзы фембæлд уыди кинойы автор æмæ режиссер Цæлыккаты Вадимимæ дæр. Кино ист æрцыди 2014-æм азы æмæ сси автор Беслæныл кæй систа, уыцы куыстытæн сæ 4-æм. Кинойы хъайтартæ сты æртæ боны дæргъы стыр хъизæмæрттæ чи бавзæрста, уыцы амынæты уæвджытæ, сæ хиуæттæ æмæ хæстæджытæ. Се хсæн – историйы ахуыргæнæг Гуыриаты Надеждæ, Беслæны цæрæг Мыртазты Валерий, скъолайы ахуырдзаутæ Хъалæгаты Виктория æмæ Ольгæ стæй бирæ æндæртæ. Кино ирдæй æвдисы 2004-æм азы трагеди. Сывæллæттæ, сæ ныййарджытæ, ахуыргæнджытæ, иу сæ кæны 20 азы размæйы цаутæ, сæ хъысмæт. Кино 2014-æм азы сси аивады æмæ наукæйы Национ академийы номинант, куыд афæдзы хуыздæр документалон киноныв.
