Куыстытæ æххæстгонд æрцыдысты национ проект «Культурæ»-йы федералон проект «Культурон тыгъдад»-ы æппæтуæрæсеон конкурсы уæлахизы фæрцы
Мæздæджы районы станицæ Терскæйы байгом ног рацарæзт библиотекæ. Куыстытæ æххæстгонд æрцыдысты национ проект «Культурæ»-йы федералон проект «Культурон тыгъдад»-ы æппæтуæрæсеон конкурсы уæлахизы фæрцы. Йæ нысан у бæстæйы субъектты моделон муниципалон библиотекæтæ аразын. Проект æххæст кæнынæн федералон бюджетæй радих кодтой 8 милуан сомы. Модернизацийы фæстæ библиотекæ зынгæ аивта. Фæзынд дзы ноутбуктимæ кусынæн зонæ, бынтон чысыл сабитæн хъазæн бынат, музей. Ныр дзы фадат ис æрмæст чингуытæ кæсынæн нæ, фæлæ ма хи проекттæ æххæст кæнынæн, кинонывтæм кæсынæн, дæсныйадæвдисæг ахуырты архайынæн. Библиотекæ æххæст у нырыккон ифтонггæрзтæй. Чингуыты фонд фæхъæздыгдæр – балхæдтой 6 мин чиныгæй фылдæр.
