Куыстытæ цæуынц, национ проект «Æдас æмæ хæрзхъæд фæндæгтæ» æххæст кæнгæйæ
Дзæуджыхъæуы дарддæр цæуы сæйраг уынгтæй иу – Доваторы проспекты фæндаджы цалцæг. Фыццаг къæпхæны фæндаггон кусджытæ систой зæронд асфальт, сæмраст кодтой фæндаджы уæлцъар, уый фæстæ та дзы дыууæ æмвæзадæй сæвæрдтой ног асфальт. Рацарæзтмæ гæсгæ зылд цæуы фистæгæйцæуджыты фæндагмæ дæр. Сцалцæг кодтой æхсæнадон транспорты æрлæууæнтæ, сног кодтой къахвæндæгтæ, сæвæрдтой бордюртæ æмæ пандустæ. Æдæппæтæй ацы аз нысан кæнынц 26 уынгмæ базилын. Куыстытæ цæуынц, национ проект «Æдас æмæ хæрзхъæд фæндæгтæ» æххæст кæнгæйæ. Бæлвырддæр хабæрттæ радзурдзæн Чехойты Фатимæ.
Дзæуджыхъæуккаг уынджы фæндаджы уæлцъары цалцæг кæронмæ фæхæццæ кæны. Хъæуы ма дзы лыстæг куыстытæ бакæнын, æмæ йæ байгом кæндзысты. Стыр магистралон фæндæгтимæ уыцы-иу рæстæг цалцæг кæнынц цыбыр уынгтæ дæр. Уыдонæй иу – Никитины уынг. Куыстытæ цæуынц Миллеры уынджы дæр. Специалисттæ ныр архайынц фистæгæйцæуджыты къахвæндæгты аивдзинадыл.
(Æппæт куыстытæ цæуынц национ проект «Æдас æмæ хæрзхъæд фæндæгтæ» æххæст кæнгæйæ. 2019 азæй 2014 азмæ федералон бюджетæй радих кодтой 30 миллиард сомы. Ацы аз ноггонд æрцыд фæндæгты 14 километры.
Доваторы проспекты куыстытæ райдыдтой апрелы астæу. Объекты дæргъ у 1700 метры. Ныридæгæн цæттæ сты фистæгæйцæуджытæн къахвæндæгтæ, фидаргонд сты бордюртæ æмæ поребриктæ. Кусджытæ æвæрынц асфальт Барбашовы уынгæй Гадиаты Цомахъы уынджы онг фæндаджы уæлцарыл. Уымæй уæлдай ма нывылгонд æрцæудзысты машинæты лæууæн бынæттæ дæр.
Цæгат Ирыстоны проект æххæстгæнгæйæ аивгонд æрцыдис фæндæгты 530 километры. 30 хиды та скодтой реконструкци. Кусджытæ пайда кæнынц нырыккон технологитæй. Уыдоны руаджы ног асфальт у хæрзхъæддæр, йæ эксплуатацийы рæстæг та у фылдæр. Специалистты ныхæстæм гæсгæ, машинæты цыдæн кæрон кæй нæй, уый тыххæй фæндæгты цалцæггæнæн куыстытæ дæр цæуынц æппынæдзух.
