Се ххуысы хай арвитынмæ сын баххуыс кодтой Адæмон фронты минæвæрттæ
Цæгат Ирыстон дарддæр æххуыс кæны, сæрмагонд æфсæддон операцийы зонæйы чи тох кæны, уыцы æфсæддонтæн. Нæ республикæйæ ныридæгæн гуманитарон æххуыс арвыстой мин æмæ рдæг тоннæйæ фылдæр. Уыцы хъуыддагмæ се вæрæн бахастой Фидараты зæрдæхæлар бинонтæ дæр. Ныр дыккаг хатт æфсæддонтæн арвыстой, сæ цæхæрадоны кæй æрзайын кодтой, уыцы фæткъуыты тыллæг. Се ххуысы хай арвитынмæ сын баххуыс кодтой Адæмон фронты минæвæрттæ. Чехойты Фатимæйæн ныхасы бар.
Фидараты бинонтæ ныр дыккаг хатт срæвдз кодтой, сæ дыргъдоны цы фæткъуытæ æрзад, уыдонæй 60 асыччы сæрмагонд æфсæддон операцимæ арвитынмæ. Сæ дыргъдон ис Быдыры Дæргъæвсы. Пенсиисджытæ йæм сæхæдæг зилынц. Фæткъуытæ дæр сæхæдæг фæтыдтой æмæ сæ асыччыты рæсугъд сæвæрдтой. Сæрмагонд æфсæддон операцийы кой кæнгæйæ Фидараты Олегæн йæ цæстытæ доны разилынц. Йæ ныхæстæм гæсгæ, æфсæддонтимæ райгуырæн зæхх хъахъхъæнынмæ уæхски уæхск æрлæууид, фæлæ уыцы карæй ахызт. Ныр зæрдиагæй æххуыс кæны, йæ бон цæмæй у, уымæй.
Фидараты хистæртæ сты зæрдæхæлар адæм, патриоттæ. Сæ фæткъуыты ног тыллæг сын сæрмагонд æфсæддон операцимæ бахæццæ кæнынæн баххуыс кодтой Адæмон фронты минæвæрттæ. Райгуырæн зæххæй хæрзад лæвар æрвыст цæуы проект «Алцыдæр уæлахизæн» æххæстгæнгæйæ.
Адæм иууылдæр – стырæй чысылæй хæссынц се *вæрæн ацы хъуыддагмæ. Уымæн æмæ зонынц, гуманитарон æххуыс æфсæддонтæ нымайынц зæрдæбын фыстæгыл Ирыстонæй, кæм æууæндынц уæлæхизыл æмæ кæм æнхъæлмæ кæсынц æфсæддон операцийы алы архайæгмæ дæр.
