Форум баиу кодта æрыгон журналистты, блогерты æмæ медиа къабазы ирддæр минæвæртты
Дзæуджыхъæуы цæуы æртыккаг æппæтадæмон форум «PRO Кавказ». Мадзал банымадтой ацы фæззæджы сæйраг медиа цауыл. Форум баиу кодта æрыгон журналистты, блогерты æмæ медиа къабазы ирддæр минæвæртты. Йæ уазджытæ сты зындгонд эксперттæ – Уæрæсейаг журналист, æфсæддон уацхæссæг, телеканал «Россия»-йы сæрмагонд уацхæссæг Александр Сладков, равдыстытæ амонæг æмæ телеканал «Россия»-йы уацхæссæг Дмитрий Щугорев, уæрæсейаг кино æмæ театры актер Михаил Пореченков, политолог, коммуникациты холдингы разамонæг Евгений Минченко æмæ æндæртæ. Программæйы ис дискусситæ, дæсныйадæвисæг ахуыртæ, лекцитæ æмæ пленарон æмбырд. Сергей Меняйло арфæ ракодта, форум Про Кавказмæ чи саккаг кодта, уыцы эксперттæ, журналисттæ, политологтæ, æфсæддон уацхæссджытæн æмæ блогертæн. Республикæйы разамонæг куыд фæбæрæг кодта афтæмæй мадзалмæ регистраци скодтой 400 адæймагæй фылдæр. Форум стыр цау у æрмæст нæ регионæн нæ, фæлæ æгас Цæгат Кавказæн. Нæ республикæмæ æрбамбырд сты медиа къабазы хуыздæр минæвæрттæ, цæмæй информацион тыгъдады ахсджиаг фарстатыл æрдзурой, уый тыххæй. Мæ зæрдæ дарын, форум Про Кавказ кæй суыдзæн медиа арæнтæ чи фæуæрæхдæр кæндзæн ахæм хорз фæрæз – загъта Сергей Меняйло.
