Куыстыты фыццаг къæпхæн фæцис. Эксплуатацийы радтой канализацион донцъирæн станцæ æмæ механикон сыгъдæг кæныны системæ. Бæлвырддæр радзурдзæн Хъайтмазты Дзерассæ.
Беслæны сыгъдæггæнæн кусæнгæрзтæ арæзт æрцыдысты 20 азы размæ. Ныртæккæ объекты ахадгæ куыстытæ æххæстгонд цæуынц. Уый та нысан кæны Цæгат Кавказы сæйрагдæр артеримæ – Теркмæ – къаддæр хауæддзæгтæ кæй хаудзæн, уый. 2024-æм азы августы чъизи дæттæ сыгъдæггæдæнæн станцæ лæвæрд æрцыд доны куыстгæнæн республикон куыстуатмæ. Специалисттæ уайтагъд рабæрæг кодтой фиппаинæгтæ – административон бæстыхайы пъадвал æмæ фыццаг уæладзыг донæй дзаг уыдысты, ныппырх сты бæрцуатты блоктæ æмæ аэраторты кассетæтæ, хæтæлвæды хай станцæмæ иугонд нæ уыд.
Куыстуаты спецалисттæ баивтой сыгъдæггæнæн кусæнгæрзты хæтæлвæдтæ – ныллæг æлхъывдады полиэтиленæй хæтæлтæ хорз бæззынц тæнгъæд æмæ газхуыз буаргъæдтæ транспортировкæ кæнынæн.
Механикон сыгъдæг кæнынæй фæстæмæ ма, специалисттæ ныридæгæн скусын кодтой аэрацийы системæ.
Æдæппæтæй объекты ис 4 сыгъдæггæнæн линийы. Уыдоны фæстæ дон хъуамæ бæзза кæсагдарæн куыстуæттæн пайда кæнынæн. Сыгъдæггæнæн кусæнгæрзтæ ныридæгæн кусын райдыдтой. Суткæмæ исынц чъизи дæттæ 10 мин кубометры. Сæ гæнæнтæ та сты фылдæр.
