Æмбырд арæзт æрцыд Кировы районы администрацийы. Амыдта йæ районы сæргълæууæг Нæкуысаты Барис
Муниципалон скондты Советы разамынды æмбырды хатдзæгтæ скодтой социалон-экономикон æмæ æхсæнадон-политикон рæзтæн. Æмбырд арæзт æрцыд Кировы районы администрацийы. Амыдта йæ районы сæргълæууæг Нæкуысаты Барис. Бæстон доклад скодта Цæгат Ирыстоны Æвзарæн къамисы сæрдар Моргуаты Жаннæ. Нæ республикæйы 2024-æм азы муниципалон æмвæзады ацыд 8 æвзарæн кампанийы. Къамис ведомствотимæ æмæ æххæстгæнæн хицаудзинады оргæнтимæ æмæ æндæр бæрнон организацитмæ æнгом æмархайд кæй кæны, уый фæрцы бантыст хорз бæрæггæнæнтæ равдисын. Паддзахадон исбоны æмæ зæххы ахастдзинæдты министр Тедеты Руслан радзырдта, паддзахадон программæ куыд æххæстгонд цæуы, уый тыххæй. Абоны онг паддзахадон реестрмæ объекттæ бахæссыны куыст æххæстæй сæххæст кодтой Æрыдоны, Кировы æмæ Дыгуры районты. Ныхас ма цыд адæмæн куыст дæттыны фарстатыл дæр. Комитет дарддæр кусы, национ проект «Демографи»-йы федералон проекттæ царды уадзыныл. Уымæй дарддæр кусынц цалдæр программæйы туризмы, хъæууон хæдзарады, промышленносты, сфæлдыстады æмæ дизайны, ахуырады, информацион технологиты æмæ арæзтады къабæзты. Æмбырды ма хаст æрцыд уынаффæ, цæмæй муниципалитеттæ бацархайой æааæтадæмон акци «Сад памяти»-йы. Баст у Фыдыбæстæйы Стыр хæсты Уæлахизы 80 азы бон сбæрæг кæнынимæ.
