Гуманитарон æххуыс æмбырд кæнынц регионалон куыстуæттæ, службæгæнджытæ, бизнесы минæвæрттæ, стæй зæрдæхæлар адæм
Республикæйы Æхсæнадон палатæйы кад кодтой æхсæнадон æмæ граждайнаг активисттæн, сæрмагонд æфсæддон операцийы архайджытæн æмæ сæ бинонтæн æххуыс кæй кæнынц, уый тыххæй.
Сæрмагонд операцийы фыццаг бонтæй фæстæмæ Ирыстон кæны алывæрсыг æххуыс æфсæддонтæн æмæ сæ хæстæджытæн. Гуманитарон æххуыс æмбырд кæнынц регионалон куыстуæттæ, службæгæнджытæ, бизнесы минæвæрттæ, стæй зæрдæхæлар адæм. Се ппæт дæр æххæст кæнынц нæ иумæйаг ахсджиаг хæс – хæстæгдæр кæнынц Уæлахиз. Кæмæн йæ бон куыд у, афтæ æххуыс кæнынц хæстонтæн æмæ сæ бинонтæн. Сæрмагонд цырæгътæ, маскæтæгæнæн хызтæ, фыстæджытæ. Уый у ахадгæ æххуысы чысыл хай. Волонтертæ фронтмæ æрвитынц бирæ хъæугæ фæрæзтæ. Адæм баиу сты, цæмæй се ххуысы хай бахæссой, нæ райгуырæн бæстæйы арæнтæ чи хъахъхъæны, уыцы хъæбатыртæн.
