Уыдон куы сцæттæ вæййынц, уæд сæ гуманитарон æххуысимæ арвитынц сæрмагонд æфсæддон операцийы зонæмæ
Архонкæйы волонтертæ кæнынц ахсджиаг куыст. Бийынц маскировкæгæнæн хызтæ. Уыдон куы сцæттæ вæййынц, уæд сæ гуманитарон æххуысимæ арвитынц сæрмагонд æфсæддон операцийы зонæмæ. Ацы куыст сæ æрбангом кодта, суанг ма йæм сывæллæтты ргом дæр аздæхтой. Волонтертæ архайынц фонд «Патриотимæ» иумæ. Ныртæккæ цæттæ кæнынц гуманитарон æххуысы ног парти. Хъайтмазты Дзерассæ радзурдзæн бæстондæр.
Волонтер Евгения Воронова ныр 6 мæйы æмхъæуккæгтимæ быйы маскировкæгæнæн хызтæ. Штабы куысты тыххæй куы базыдта, уæд йæ бон ацы хъуыддагæй иуварс баззайын нæ бацис. Ардæм æрбацæуы изæры куысты фæстæ æмæ фæлладуадзæн бонты. Евгения ма быйы хъарм цъындатæ æмæ æндæр дзаумæттæ. Ууыл æрлæууын нæ фæнд кæны. Куыд зæгъы, афтæмæй уæлахизмæ фæндагыл ахсджиаг у хæстонтæн фæсчъылдым æххуыс кæнын.
Архонкæйы штабы фæллой кæны 20 адæймаджы. Æххуыс кæнынц суанг чысыл волонтертæ дæр. 13-аздзыд Дзалаты Давид сфæнд кодта фæлладуадзæн бонтæ пайдаимæ арвитын. Маскировкæгæнæн хызтæ быйын зын нæу, сæйрагдæр у – лæмбынæг уæвын.
Архонкæйы волонтертæ кусынц фонд «Патриот»-имæ иумæ. Организацийыуылты æрвитынц гуманитарон æххуыс сæрмагонд æфсæддон операцийы зонæмæ. Ивгъуыд азы мартъийæ фæстæмæ хæстонтæн арвыстой 30 маскировкæгæнæн хызæй фылдæр. Фонд «Патриот» кусы волонтертимæ æппæт республикæйæ. Ис сын бастдзинад æфсæддонтимæ æмæ хъæугæ æххуыс бæлвырд бынатмæ арвитынц.
Хæстонтæ волонтертæй сты бузныг. Стыр аргъ кæнынц сæ архайдæн.
Гуманитарон æххуысы ног парти ныртæккæ æмбырдгонд цæуы. Сæрмагонд æфсæддон операцийы зонæмæ йæ арвитын фæнд кæнынц ацы мæйы кæронмæ.
