Уыдонæй ныридæгæн æрбаластой 30-æй фылдæр
Ацы аз Дзæуджыхъæуы 34 бирæуæладзыгон хæдзары баивдзысты 102 лифты. Уыдонæй ныридæгæн æрбаластой 30-æй фылдæр. Иууылдæр æххæст кæнынц нырыккон техникон домæнтæ. Афтæ арæзт сты, цæмæй сæ пайда кæной, йе *нæниздзинад хъыгдард кæмæн у, уыцы адæм дæр. Аив кабинæтæ, музыкæйы зæлтæ, фидар æрмæг, æдасдзинады домæнтæ – ацы æмæ æндæр миниуджытæй хицæн кæнынц ног лифтытæ зæрæттæй. Бæлвырддæр хабæрттæ радзурдзæн Чехойты Фатимæ.
Манипулятор арæхстгай архайы – республикæмæ æрбаластой ног лифтытæ. Алы къоппыл дæр нысангонд ис хæдзары адрис. Цæгат Ирыстоны дарддæр цæуы егъау куыст лифтытæ баххæст кæнынæн Хъалонисæн Цæдисы техникон регламенты æдасдзинады домæнтæн.
Ног лифтытæ дзуапп дæттынц нырыккон домæнтæн. Кабинæтæ сты аив, уæрæх, бастдзинады фæрæзтæй æххæст, зæрæттимæ абаргæйæ сæ бон сисын у фылдæр уæз. Ивд æрцæудзысты, адæмæн се *дасдзинадæн тæссаг чи уыд, уыцы лифтытæ.
Специалисттæ райдыдтой зæронд лифтытæ халын. Ногтæ æвæрдзысты радыгай, республикæмæ куыд хæццæ кæной, уымæ гæсгæ.
2018-æм азæй нырмæ республикæйы баивтой 334 лифты. Специалисттæ куыст æнтыстджынæй дарддæр хæццæ кæнынц.
