Фæлтæрдджын инструктортæ радзурынц, стæй равдисынц, адæймагæн куыд баххуыс кæнæн ис, уый
Алыхуызон уавæрты фыццаг медицинон æххуыс бакæныны зонындзинæдтæ райсæн ис лæвар. Алы мæй дæр фыццаг æххуысы скъола «Мария мама» стæй Цæгат Кавказы бархионтæн æххусы ресурсон центры хъæппæрисæй арæзт фæцæуынц сæрмагонд курсытæ. Фæлтæрдджын инструктортæ радзурынц, стæй равдисынц, адæймагæн куыд баххуыс кæнæн ис, уый.
Æппæтæй фыццагдæр æмæ æппæтæй ахсджиагдæр манипуляцитæ медицинон æххуыс кæнгæйæ. Алгоритм хуымæтæг кæсы – фыццаг бадзурын æвистиаты медицинон æххуысы службæмæ æмæ уый фæстæ бавналын реанимацимæ, фæлæ симуляцийы рæстæг дæр æнцонæй ис фæцудын. Инструкторты æххуысæй алцыдæр рауайы. Ахæм курсытæ сывæллæттæн фыццаг æххуысы скъола «Мария мама» аразы æрвылмæй. Специалисттæ кæй фæнды, уыдоны ахуыр кæнынц лæвар – æрмæст сабитæн нæ, фæлæ хистæртæн дæр æххуыс кæныныл. Ам дæттынц теоретикон, уый фæстæ та практикон зонындзинæдтæ.
Курсыты æркæсынц, царды гæнæн ис, чи æрцæуа, ахæм алыхуызон уавæртæм. Слохаты Еленæ хорз зоны, адæймагæн афоныл æмæ раст аххуыс кæнын куыд ахсджиаг у, уый. Абон фæлтæрдджын инструктор йæ зонындзинæдтæ æнæвгъауæй дæтты иннæтæн.
Слохаты Еленæ – Сывæллæттæн фыццаг æххуысы скъола «Мария мама»-йы регионалон минæвар: «На самом деле, это те навыки, которые могут понадобиться в любой ситуации. Как правило, такие ситуации встречаются и случаются, когда мы к ним не готовы, и вот чем больше людей и взрослых будет обучена этому, тем мы сможет снизить риски несчастных случаев в школе, в детских садах. Мы сейчас плотно сотрудничаем, как вот с ресурсным центром, так и с детскими садами, со школами.
Арæхдæр ахæм курсытæм æрбацæуынц ныййарджытæ, кæнæ сывæллæттимæ чи кусы, уыдон. Сахуыр кæнын кæй фæнды, уыдон бирæ сты. Курсыты фæстæ ис райсæн сертификат, фæлæ сæйрагдæр сты зонындзинæдтæ.
Сывæллæттæн фыццаг æххуысы скъола «Мария мама» бархиондзинадæн æххуысы цæгаткавказаг центримæ курсытæ аразы алы мæйы кæрон дæр. Кæй фæнды, уыдоны хъæуы рагагъоммæ сайты регистраци скæнын. Ахуыртæ цæуынц иу бон – 5 сахаты бæрц.
