Пушкины номыл аивæдты Паддзахадон музейы Цæгат Кавказы филиалы байгом равдыст «Сергей Савлаев. Закон сохранения импульса». Проект æххæстгонд цæуы, адæмы Цæгат Кавказы культурæимæ, бынæттон нывгæнджыты сфæлдыстадимæ зонгæ кæныны тыххæй филиал «Галерея Кавказ» цы программæ бацæттæ кодта, уымæ гæсгæ. Равдысты фенæн ис Цæгат Ирыстоны сгуыхт нывгæнæг Саулаты Сергейы куыстытæ. Саулаты Сергей ахуыр фæци Хетæгкаты Къостайы номыл Цæгат Ирыстоны паддзахадон университеты аивæдты факультет. Ис ын йæхи æрмдзæф. Экспозицийы равæрдтой 70 куысты нывкæнынадæй æмæ графикæйæ. Равдыстмæ *рбацыдысты нывгæнæджы *мкусджытæ, культурæйы къабазы архайджытæ æмæ Дзанайты Азанбеджы номыл аивадон училищæйы студенттæ. Бабæрæг кæнæн æй уыдзæн 7-æм маймæ. Проекты фæлгæты ма арæзт æрцæудзысты æндæр мадзæлттæ дæр.
