Форумы архайынц нæ регионы паддзахадон æмæ æхсæнадон организацийы 150 минæварæй фылдæр
Зонындзинæдты центр «Машук»-ы цæуы ахуырадон семинар. Форумы архайынц нæ регионы паддзахадон æмæ æхсæнадон организацийы 150 минæварæй фылдæр. Интенсив цæуы 4 боны, æмæ фæуыдзæн 12-æм мартъийы. Семинары программæйы лекцитæ, дæсныйдæвдисæг ахуыртæ, тренингтæ. Программæйы хицæн блок та баст у Фыдыбæстæ хъахъхъæнæджы азимæ стæй Фыдыбæстæйы Стыр хæсты Уæлахизы 80 азы бонимæ. Цæгат Ирыстоны Сæргълæууæджы æмæ Хицауады администрацийы разамонæг Гобеты Ибрагим арфæтæ ракодта форумы архайджытæн, æмæ загъта, куыд ахсджиаг у нырыккон политикон уавæрты æмгуыстады фарстатыл кусын. Ахуырадон интенсивы ахсджиаг хай та у пленарон дискусси. Цæгат Ирыстон æмæ центр «Машук» дарддæр кусынц иумæйаг проекттыл. Æмгуыстады бадзырд бафыстой дыууæ азы размæ Петербурджы æппæтадæмон экономикон форумы. Семинары лектортæ сты Паддзахадон Думæйы депутаттæ, журналисттæ, политологтæ æмæ æндæр эксперттæ.
