Зæлыдысты Осип Мандельштамы, Маринæ Цветаевайы, Анна Ахматовайы, Николай Гумилевы æмæ Æвзист дуджы æндæр поэтты æмдзæвгæтæ
Евгений Вахтанговы номыл академион Уырыссаг театры æвæрд æрцыд спектакль-концерт «Сыздæхтæн мæ горæтмæ». Зæлыдысты Осип Мандельштамы, Маринæ Цветаевайы, Анна Ахматовайы, Николай Гумилевы æмæ Æвзист дуджы æндæр поэтты æмдзæвгæтæ. Спектакль æвæрд æрцыд культурон хъæппæристы Президенты фонды æххуысæй. Спектакль-концерты тыххæй радзурдзæн Чехойты Фатимæ.
Санкт-Петербурджы Васильевы сакъадахы сæмбæлдысты поэтикон дзырд æмæ музыкæ, рухс æмæ аууон. Сценæйы профессионалон актертæ нæ уыд, æрмæстдæр нырыккон поэттæ. Уыдон кастысты Æвзист дуджы фысджыты æмдзæвгæтæ. Спектакль-концерт «Сыздæхтæн мæ горæтмæ», зæгъгæ, сæвæрдта режиссер, Дагестаны аивæдты сгуыхт архайæг Дмитрий Павлов. Театралон труппæйы æххуысæй кæй не спайда кодта, уый хуымæтæджы нæ уыд – фæндыд æй аив дзырды дæсныты иумæ *рæмбырд кæнын.
Сценæйы сæйраг архайджытæ сты нырыккон дагестайнаг поэттæ. Осип Мандельштамы, Марина Цветаевайы, Анна Ахматовайы, Николай Гумилевы æмæ Æвзист дуджы иннæ поэтты æмдзæвгæты уæлдай хъуыстысты æндæр фысджыты уацмыстæ дæр. Проект саразджыты ныхæстæм гæсгæ, мадзалы сæйраг нысан уыд 19 æнусы уырыссаг литературæ бабæттын нырыккон поэзиимæ.
Мадзалы архайæг уыд Саратовы паддзахадон консерваторийы хор, йæ дирижер у Эмилия Шихрагимова. Зарæггæнджыты руаджы спектаклæн фæзынд сæрмагонд зæлынад. Аивадон фæлыст, бур æмæ цъæх хуызтæ, ныхмæвæрдтæ æмæ иумæйаг ныхас – ацы миниуджыты рауджы театрдзаутæ банкъардтой Згъæр дуджы фысджыты хъысмæт æмæ рæстæджы фæткыл сæ ныхмæлæудтытæ.
Спектакль æвæрд æрцыд культурон хъæппæристы Президенты фонды æххуысæй. Поэтикон проектæн презентаци æрмæст Дзæуджыхъæуы нæ ацыд. Нырыккон æмæ Æвзист дуджы поэтты бастдзинадæн аргъ скодтой театруарзджытæ Стъараполы æмæ Дагестаны.
