Йæ продукцийы хæрзхъæддзинад, йæ фадæттæм гæсгæ, дзуапп дæдты паддзахадон домæнтæн
Фылдæр гæнæнтæ. Æрæфы районы Хæзныдоны фондз азы размæ райдыдта кусын хуыйæн фабрикæ. Сæхицæн дзы куысты бынæттæ ссардтой 70 адæймаджы. Йæ продукцийы хæрзхъæддзинад, йæ фадæттæм гæсгæ, дзуапп дæдты паддзахадон домæнтæн.
Хæзныдоны хуыйæн фабрикæйы байгомыл фондз азмæ хæстæг цæуы. Йæ сарæзтæй бирæтæн фæахъазаг сæ бинонтæн æмбæлгæ уавæртæ аразыны хъуыддаджы. Рæстæгимæ йæ кусджыты уавæртæ æмæ гæнæнтæ хуыздæр æмæ фылдæр кæнынц. Йæхимæ лвасы алы дæсныйæдтыл хæст адæмы.
Ныртæккæ иу куысты бынат скæнын дæр тынг ахсджиаг у, уæлдайдæр – хъæуы. Фæсивæд куыстагур цæуынц горæттæм. Цæмæй æрыгæттæ ахуыры фæстæ здæхой фæстæмæ, уый тыххæй та хъæуты аразын хъæуы куыстуæттæ. Уый æмбаргæйæ, стæй ма Хæзныдоны хъæуы цæрджыты курдиадмæ гæсгæ компаниты къорд «БТК» ам байгом кодта хуыйæн фабрикæ. Ныр дзы кусынц æрмæст Хæзныдоны цæрджытæ нæ, фæлæ сыхаг хъæуты минæвæрттæ дæр. Ам куыд зæгъынц, афтæмæй райсомæй изæрмæ цы адæмимæ кусай, уыдон зæрдæмæдзæугæ куы уой, куысты уавæртæ дæр афтæ, уæд æндæр хъæуæй цæуын дæр диссаг нæу.
Хуыйæн фабикæйы коллектив иуы хуызæн арфæ кæнынц Боллоты Хъазыбеджы фырт Таймуразæн. Йæ фæрцы адæмæн ис фадат паддзахадæн хъæугæ куыст кæнынæн. Уыимæ та ма сæ бинонтæ дæрынæн.Бæстыхай ифтонггонд у æппæт хъæугæ, нырыккон кусæн дзаумæттæй. Уымæ йæ цæст дары Кæсæг-Балхъары БТК-йы филиалы разамынд.
Куыстуаты ис 70 кусæн бынаты. Цæгат Ирыстоны адæмæн куыстдæттыны комитетимæ æмгуыстады фæрцы фабрикæ æххæст кæнынц кусджытæй. Фабрикæйы цæттæ сты сæ архайд фæуæрæхдæр кæнынмæ, специалисттæ куы уа, уæд.
Дзæуджыхъæуы куыстуат байгом 2022-æм азы. Ацы фабрикæйы алы операцийыл дæр хицæн адæймаг дзуапп кæй дæдты, уымæ гæсгæ куыстыл æнцон фæцахуыр уæвæн у. Ног кусджытæн арæзт æрцæуы ахуырадон курсытæ, уыцы рæстæгмæ сын фыст фæцæуы сæрмагонд стипенди. Хаст ма æрцыд иу ахсджиаг уынаффæ – дард районты цæрджытæй фабрикæмæ кусынмæ чи цæуа, уыдонæн ис лæвар транспорт.
«БТК Групп» фæзынд 2007-æм азы. Уæрæсейы йæ кусæн фæзты географи апарахат Санкт-Петербургæй ТывАйы онг, фабрикæтæ фæзынд Хуссар Ирыстоны æмæ Белоруссийы. Йæ 26 фабрикæйы сæхицæн куысты бынæттæ ссардта æхсæрдæс мины æма фондз сæдæ адæймаджы. Рог промышленносты та «БТК Групп» ахсы раззагдæр позицитæ. Бизнесы алы къабæзтæн сæрмагонд уæлæдарæс цæттæ кæныны стырдæр уæрæсейаг компани бацыд Уæрæсейы Хицауады системæаразæг куыстуæтты хыгъдмæ.
