Мадзал бацæттæ кодтой персайнаг поэт Фарид-ад-Дин АттАры райгуырды 880 азы кадæн
Гæздæнты Гайтойы номыл фæсивæдон библиотекæйы уыд литературон изæр «Суфизмы стъалы». Мадзал бацæттæ кодтой персайнаг поэт Фарид-ад-Дин АттАры райгуырды 880 азы кадæн. Уый райгуырд 12-æм æнусы дыккаг æмбисы. Йæ царды фылдæр хай арвыста суфийаг моладзандоны. Хадзы ацыд Меккæмæ, балцыты уыд Египты æмæ Сирийы. Царды тыххæй йæ бæстон зонындзинæдтæ ныууагъта йæ поэтикон уацмысты. Литературон изæры архайдтой уæрæсейаг-ирайнаг хæлардзинады æхсæнады регионалон хайады минæвæрттæ, ирайнаг-ирон æхсæнады разамонæг Габысаты Юсуф, филологтæ, скæсæниртасджытæ, Цæгат Кавказы хæххон-металлургон институты æмæ Цæгат Ирыстоны паддзахадон университеты студенттæ. Фембæлды ма равдыстой Ираны культурæйы, историйы æмæ экономикæйы тыххæй чингуытæ.
