Æддæрдыгæй вагон аивгонд у бæрæгбоны тематикæйæ, салоны æвдыст цæудзысты Фыдыбæстæйы Стыр хæстимæ баст кинонывтæ
9-æм майы агъоммæ Дзæуджыхъæуы уынгты цæуын райдайдзæн кинотрамвай «Победа». Уый тыххæй регионалон информацион цетр «ТАСС Кавказ»-ы пресс-конференцийы фехъусын кодта Дзæуджыхъæуы администрацийы сæргълæууæджы хæдивæг Ходы Мæдинæ. Æддæрдыгæй вагон аивгонд у бæрæгбоны тематикæйæ – Георгийы лентытæ, стъалытæ, дидинджытæ… Салоны æвдыст цæудзысты Фыдыбæстæйы Стыр хæстимæ баст кинонывтæ. «В бой идут одни старики», «Отец солдата», «Сталинград»… Дзæуджыхъæуы ахæм трамвай фыццаг хатт фæзынди 2009-æм азы. Кинотрамвай горæты æрзилы дыууæ хатты – 18 æмæ 19 сахатыл. Историон экскурс райдайы Чапаевы уынджы «Уæлахизы фæзы» æрлæууæнæй. Трамвай кусдзæн 14-æм майы онг.
