Цæгат Ирыстоны кад дзы хъахъхъæндзысты 3 адæймаджы
25-æй 29-æм июльмæ Хъазаны уыдзæн сæрмагонд æфсæддон операцийы архайджыты *хсæн фыццаг чемпионат профессионалон арæхстдзинадæй «Абилимпикс». Цæгат Ирыстоны кад дзы хъахъхъæндзысты 3 адæймаджы. Сæ арæхстдзинад æвдисдзысты 2 компетенцийы – «Автомобильты цалцæг æмæ сæ дарын» æмæ «Электромонтаж». Ныртæккæ архайджытæ сæхи цæттæ кæнынц ерыстæм. Ныхасы бар Хъайтмазты Дзерассæйæн.
Сæрмагонд æфсæддон операцийы ветеран Боциты Тотраз у, сæрмагонд операцийы архайджыты *хсæн фыццаг чемпионаты профессионалон арæхстдзинадæй «Абилимпикс»-ы республикæйы кад чи хъахъхъæндзæн, уыдонæй иу. Уæззау цæфы фæстæ хæстон хъуыддаг ныууагъта. Ныртæккæ архайы спортæй æмæ уыцы иу рæстæг хуыздæр кæны йæ арæхстдзинад электромонтажон куыстыты. Ерыс кæндзæн ацы къабазы. Куыд зæгъы, афтæмæй чемпионаты архайыныл уайтагъд сразы. Ныр цалдæр мæйы цæттæ кæны хæххон аграрон университеты бындурыл.
Тотразæн æххуыс кæны «Абилимпикс»-ы фæлтæрдджын эксперт Цæгат Ирыстонæй Икъаты Сергей. Иумæйаг куысты фæрцы Тотраз фыццаг бынат бацахста, Грознайы цы æвзарæн къæпхæн уыд, уым. Сергей куыд зæгъы, афтæмæй ахсджиаг, уыцы æнтыстдзинад бафидар кæнын.
Боциты Тотразимæ Цæгат Ирыстонæй ерысты архайдзысты Къолоты Вадим æмæ Тургиты Георгий. Сæ компетенцитæ уыдзысты «Автомобильты цалцæг æмæ сæ дарын» æмæ «Электромонтаж». Конкурсанттæн алывæрсыг æххуыс кæны «Фыдыбæстæ Хъахъхъæнджыты» фонды республикон филиал «Абилимпикс»-ы регионалон центримæ.
Ерыстæ уыдзысты 25-æй 29-æм июльмæ Хъазаны. Архайджытæ сæ тыхтæ фæлвардзысты 15 компетенцийы.
