Июлы сбæлвырд кодтой дыууæ ФАП-ы Дæллаг Уыналы æмæ Сухотскийы, стæй медицинон техникæйы 17 иуæджы
Республикæйы Сæргълæууæг Сергей Меняйло сарæзта æмбырд, нацпроекттæм гæсгæ цы объекттæ æмæ кусæнгæрзтæ амалгонд цæуынц, уыдоны ахадгæ куысты мониторингы фæдыл. Национ проекттæ царды уадзын æххæст кæныны управленийы разамонæг Дзарасаты Марат куыд фехъусын кодта, афтæмæй июлы сбæлвырд кодтой дыууæ ФАП-ы Дæллаг Уыналы æмæ Сухотскийы, стæй медицинон техникæйы 17 иуæджы. Алы кусæнгарзæн дæр скодтой анализ, банымадтой æххæстгонд иртæстыты нымæц. Рабæрæг, Рахизфарсы районы поликлиникæйы компьютерон томограф æнæ пайдагæнгæйæ кæй лæууы, уый. 40 милуан сомæй зынаргъдæрæй йæ балхæдтой фарон ноябры нацпроект «Æнæниздзинадхъахъхъæнынад»-мæ гæсгæ, фæлæ медицинон кусæнуаты реконструкцийы тыххæй аппарат нæ эксплуатаци кæнынц. Сергей Меняйло профилон министрадæй бадомдта, æвæстиатæй фарстайыл бацарахайын æмæ хæстæгдæр бонты аппараты куыст сæххæст кæнын.
