Медицинон куыстуæттæм курдиæттæ бахастой зынгæ къаддæр, раздæры къуыриимæ абаргæйæ, æмæ 9 проценты къаддæр æрвылазон рæстæмбис бæрæггæнæнтæм гæсгæ
Сæрд æрмæст тæвд, фæлладуадзыны æмæ æхсызгон æнкъарæнты афон нæу. У инфекцион низты рæстæг дæр. Ацы афон хъæуы æдасдзинады хуымæтæг домæнтæ æххæст кæнын. Фæлхасадмæ цæстдарды управленийы специалистты хъуыдымæ гæсгæ, ныртæккæ инфекцион низты уавæр республикæйы зæрдæхсаинаг нæу. Медицинон куыстуæттæм курдиæттæ бахастой зынгæ къаддæр, раздæры къуыриимæ абаргæйæ, æмæ 9 проценты къаддæр æрвылазон рæстæмбис бæрæггæнæнтæм гæсгæ. Инфекцион низтæ дохтыртæ фылдæр рабæрæг кæнынц сывæллæттæм. Бæлвырддæр радзурдзæн Чехойты Фатимæ.
Афæдздзыд Арсæмæгыл бахæцыд инфекцион низ. Сывæллон къуырийы размæ бахауд рынчындонмæ. Йæ буары температурæ 40 градусæй фæуæлдæр. Низ тынг фæбæрæг сабийы *нæниздзинадыл.
Дохтыры ныхæстæм гæсгæ, 3 азæй къаддæр кæуыл цæуы, уыцы сабитæн сæ иммунитет фидар нæма у. Арсæмæг дæр хуымæтæджы нæ фæрынчын.
Зындгонд куыд у, уымæ гæсгæ инфекцион низтæ сæрдыгон тынг рапарахат вæййынц. Уæлдайдæр та сывæллæтты *хсæн. Уыдонæн сæ 80 % алы аз дæр бахауынц рынчындæттæм. Æнæхсад дыргътæ æмæ халсартæ, æвзæр санитарон уавæртæ – дохтырты хъуыдымæ гæсгæ сты инфекцион низты аххоссæгтæ. Фаронимæ абаргæйæ ацы аз уавæр зæрдæхсаинаг нæу.
Дохтыртæ сидынц: цæмæй адæм, уæлдайдæр та сабитæ æдас уой инфекцион низтæй, æмæ се *нæниздзинад фидар уа, уый тыххæй æххæст кæнын хъæуы гигиенæйы хуымæтæг домæнтæ.
Инфекцион низтæй хи бахъахъхъæнын æнцон у. Æххæст кæнын хъæуы гигиенæйы домæнтæ. Ахсджиаг хъуыддаг у адæймагæн хъуыды кæнын хи æмæ йæ фарсмæ чи ис, уыдоны æнæниздзинадыл.
