Бæлвырддæр та лазерон рухскалды фæрцы мур кæнынц уыргты дуртæ, стæй ма кæнынц æндæр урологон операцитæ дæр
Республикæйы клиникон рынчындоны пайда кæнынц нырыккон медицинон кусæнгæрзтæй. Бæлвырддæр та лазерон рухскалды фæрцы мур кæнынц уыргты дуртæ, стæй ма кæнынц æндæр урологон операцитæ дæр. Аппарат рынчындон самал кодта ацы аз майы. Уыцы мгъуыдмæ специалисттæ скодтой 100 операцийы онг. Дохтыр-уролог Хъодзаты Хетæг куыд радзырдта, афтæмæй сæм ис бирæ пациенттæ, иу суткæмæ 50 адæймаджы онг. Сæ фылдæр тыхсынц уыргты дурты низæй. Раздæр ахæм операцитæ республикæйы клиникон рынчындоны нæ кодтой. Уымæ гæсгæ рынчынты хъуыди æхцайыл кусæг клиникæтæм, кæнæ æндæр регионтæм цæуын. Ныртæккæ та нырыккон лазерон аппараты фæрцы операциты хыгъд зынгæ фæфылдæр.
