Республикæйы ацы аз фыццаг хатт пайда кæндзысты хъæлæс кæныны дистанцион электрон хуызæй
Цæгат Ирыстоны цæттæ кæнынц хъæлæс кæныны иумæйаг бонмæ. Республикæйы ацы аз фыццаг хатт пайда кæндзысты хъæлæс кæныны дистанцион электрон хуызæй. Хайæдтæ ифтонг сты бюллетентæ нымайæн комплекстæй. Бæлвырддæр радзурдзæн Чехойты Фатимæ.
Уæллаг Зджыды æвзæрстытæм активонæй цæттæ кæнынц. Бæстæйы æппæты бæрзонддæр уæлвæзадыл цы *взарæн хайад ис, уый ифтонг у хъæугæ æрмæгæй. Фæзынд дзы стенд Мызуры администрацийы сæргълæууæджы кандидатты тыххæй лæмбынæг информациимæ. Ацы аз фыццаг хатт пайда кæндзысты *взарæн бюллетенты нымайæн комплексæй. Поселоччы цæры 122 *взарæджы. Хъæлæс кæнынæн хæсгæ фæрæзтæ ис Дæллаг Зджыды дæр.
Фидæны *взæрстытæм активонæй цæттæ кæнынц Архонкæйы дæр. Ам ис 3 *взарæн хайады. Иу дзы æрбынат кодта Культурæйы хæдзары. Ифтонг у æппæт хъæугæ фæрæзтæй. Ис дзы бынæттæ хъæлæс кæнынæн æмæ бюллетентæ нымайæн комплекс. Йе *нæниздзинад хъыгдард кæмæн у, уыдонæн бацæттæ кодтой сæрмагонд бынæттæ хъæлæс кæнынæн æмæ бюллетентæ.
Архонкæйы хъæлæсгæнджыты нымæц хæццæ кæны 2 мины онгмæ. Уыдонæй 170 хъæлæс кæндзысты комкоммæ бастдзинады хуызы. Дистанцион системæйы руаджы сæ граждайнаг хæс сæххæст кæнын йæ бон уыдзæн фылдæр адæмæн. *Взарæн къамисы сæрдар Нина Чернуцкая куыд фæбæрæг кодта, уымæ гæсгæ станицæйы традицимæ гæсгæ хъæлæсгæнджыты процент вæййы бæрзонд.
Ацы аз *взарæн хайæдты уыдзæн, комкоммæ бастдзинады хуызы схъæлæс кæнынæн хъæугæ техникæйы фæрæзтæ æвæрд кæм æрцæудзысты, ахæм сæрмагонд бынæттæ. Хъæудзæн хайадмæ *рбацæуын æмæ схъæлæс кæнынæн спайда кæнын компьютерæй. Æвзæрстытæ ацæудзысты 13-æм æмæ 14-æм сентябры республикæйы 5 районы. *Взæрст æрцæудзысты 5 депутаты æмæ 6 хъæуы сæргълæууæджы.
