Специалистты хъуыдымæ гæсгæ, афоныл вакцинаци адæймагæн у фидар иммунитеты бындур
Цæгат Ирыстон райста гриппы ныхмæ вакцинæйы фыццаг парти. Специалистты хъуыдымæ гæсгæ, афоныл вакцинаци адæймагæн у фидар иммунитеты бындур. Æнæмæнг прививкæтæ скæнынц медицинон æмæ ахуырады кусджытæн, лæггадгæнæг къабазы минæвæрттæн, паддзахадон организациты службæгæнджытæн, сиддонтæн. Хæцгæ низтæй æппæтæй тæссагдæр у алыхуызон низтæй рынчын адæмæн, стæй ацæргæ кары минæвæрттæн. Сывæллæттæн вакцинаци кæнынц, æрмæстдæр ныййарджытæ разы куы уой, æмæ документыл сæ къуых куы æрæвæрой, уæд. Раздæр уал сывæллоны æнæниздзинад сбæрæг кæны педиатр, базоны иммунизаци скæнынæн ын къуылымпыдзинæдтæ ис æви нæй, уый. Фæлхасадмæ цæстдарды регионалон управленийы специалисттæ куыд зæгъынц, афтæмæй цæрджытæн сæ 60% хъуамæ скæной вакцинæ. 75% та тæссаг къордмæ чи хауы, уыдонæй. Уый рæстæмбисæй у 4 сæдæ адæймагæй фылдæр. Ахуыргæнæндæтты ныридæгæн сфидар кодтой райсомы æркаст: рæзгæ фæлтæрæн сбарынц сæ тæвд, стæй сын сбæрæг кæнынц, сæхи куыд æнкъарынц, уый.
