Æрдзырдтой республикæ æмæ ведомствæйы хсæн æмгуыстадыл
Хицауады сæрдар Дзанайты Барисæн кусæг фембæлд уыди Уæрæсейы юстицийы министр Константин Чуйченкоимæ. Æрдзырдтой республикæ æмæ ведомствæйы хсæн æмгуыстадыл. Фылдæр æргом аздæхтой уголовон-æххæстгæнæн системæйы æмæ æххæстгæнæн рауагъды, стæй регионы лæвар юридикон æххуысы паддзахадон системæйы куыст фæахадгæдæр кæнынмæ. Уæрæсейы юстицийы разамонæг фембæлд ацы къабазмæ бар чи дары, Цæгат Ирыстоны уыцы ведомствæты разамындимæ дæр. Константин Чуйченко куыд фæбæрæг кодта, афтæмæй республикæйы цалдæр азы æнтыстджынæй кусы паддзахадон юридикон бюро. Йæ специалисттæ Цæгат Ирыстоны цæрджытæн дæттынц бæрзонд къæпхæныл барадон æххуыс, уыимæ лæвар. Дзанайты Барис загъта, республикæйы хицауад æмæ бæстæйы юстицийы министрады хсæн рауади ахадгæ æмæ æргом ныхас. Зæрдæ дарæн ис ацы фембæлд бæлвырд хæстæ сæххæст кæныны райдиан кæй уыдзæни, ууыл.
